₱468, 860.00 na halaga ng hinihinalang shabu ang nakumpiska sa isang lalaki sa Maharlika Village, Taguig City noong gabi ng Mayo 2, 2024.
Nagsagawa ng buy-bust operation ang mga tauhan ng Station Drug Enforcement Unit ng Taguig City Police Station ganap na alas 10:00 ng gabi sa Maharlika Village kung saan nahuli si alyas Rasheed, 47 taong gulang.
Anim na plastic sachet na nakasara at may lamang 68.95 na gramo ng puting kristal na hinihinalang shabu ang nakumpiska ng mga otoridad sa suspek.
Nakuha rin dito ang mga minarkahang perang ginamit bilang buy-bust money.
Sa kasalukuyan ay nakakulong na sa Taguig City Police Station ang suspek at haharapan ng kasong paglabag sa Republic Act 9165 o Comprehensive Dangerous Drugs Act of 2002.
(Larawan mula sa Taguig Police)
Mahigit ₱468K na Shabu, Nakumpiska sa Isang Lalaki sa Maharlika Village Taguig | Taguig Balita
Pick your language preference for this article:
/
Piliin ang inyong wika para sa artikulong ito: