Inilabas ng Bureau of Internal Revenue ang listahan ng 2,263 mga gamot na hindi na papatawan ng value added tax (VAT).

Nangangahulugan itong mas mababa na ang presyo ng mga naturang gamot sa botika.

Nag-isyu ang BIR ng Revenue Memorandum Circular (RMC) No. 27-2026 noong Abril 8, 2026, na nagsasapubliko ng mga inendorso ng Food and Drug Administration (FDA) na mga gamot na hindi na papatawan ng VAT sa ilalim ng Republic Act No. 10963, o TRAIN Law, at Republic Act No. 11534, o CREATE Act.

Kabilang sa VAT-free ang 702 gamot laban sa kanser, 535 para sa alta presyon, 327 para sa diabetes, 300 para sa mental illness, 171 para sa mataas na cholesterol, 152 para sa kidney disease, at 76 para sa tuberculosis.

"In line with President Ferdinand R. Marcos Jr.'s directive to make healthcare more accessible and affordable for Filipinos, the Department of Finance, under Finance Secretary Frederick D. Go, supports the timely implementation of measures that help reduce the cost of essential medicines," ang pahayag ng BIR sa kanilang social media page.

Sinabi rin ni BIR Commissioner Charlito Martin R. Mendoza na, "this issuance forms part of the government's continuing efforts to help ease the cost of essential medicines, especially for Filipinos managing chronic and critical illnesses."

Narito ang kabuuan ng RMC No. 27-2026:

https://bir-cdn.bir.gov.ph/BIR/pdf/RMC%20No.%2027-2026.pdf

Ang kumpleto namang listahan ng VAT-exempt medicines ay nasa Annex A ng circular:
https://bir-cdn.bir.gov.ph/BIR/pdf/Annex%20A%20of%20RMC%20No.%2027-2206%20(1).pdf