Wanted sa Parañaque, Nahuli sa Taguig | Taguig Balita

Walang kawala sa mga tauhan ng Southern Police District (SPD) ang mga puganteng nagtatago sa batas makaraang masentensiyahan.

Ang pang-limang most wanted person sa Parañaque City ay naaresto ng mga otoridad sa Taguig City noong Hulyo 8, 2026.


(Larawan ng Taguig.com)

Sa bisa ng isang warrant of arrest dahil sa kasong nabigong pagpatay, naaresto ng mga pulis si alyas Frederick, 26 na taong gulang, sa Road 5 Barangay North Daang Hari, Taguig City noong Miyerkules ng alas 4:30 ng hapon.

Ang warrant of arrest ay ipinalabas ni Judge Mariam Guzon Bien, Presiding Judge ng Regional Trial Court, Branch 153 noong Hulyo 6, 2026, at may rekomendadong piyansang ₱200,000.00.