1 Babae at 2 Kasama, Huli sa 50 Gramo ng Hinihinalang Shabu sa Western Bicutan | Taguig Balita

Isang babaeng matagal nang tinutugaygayan ng mga otoridad dahil sa kaugnayan sa ipinagbabawal na gamot ang naaresto sa Barangay Western Bicutan, Taguig City kamakailan.



Sa isang operasyon na isinagawa ng Southern Police District Drug Enforcement Unit, naaresto si alyas Melinda, 37 taong gulang at dalawang kasama nitong sina alyas Hawadi, 49 taong gulang na tricycle driver at alyas Zanora, 26 taong gulang.



Nakumpiska sa tatlo ang 50 gramo ng hinihinalang shabu.



Kasama sa buy bust operation ang DID-SPD, DSOU-SPD, DMFB-SPD, PDEA-SDO, at Police Sub-station 2 ng Taguig City.

Sasampahan ng kasong paglabag sa Republic Act 9165 o Comprehensive Dangerous Drugs Act ang mga suspek.

"We remain steadfast in our commitment to safeguarding our community and will continue to pursue those who seek to profit from the suffering of others. This successful operation sends a clear message: we will not relent in our efforts to uphold the law and ensure the safety of our people," ang pahayag ni Police Brig. General Mark Pespes, Direktor ng Southern Police District.

(Mga larawan mula sa Southern Police District)