Bicol Region, Southern Luzon at Metro Manila, Sasagasaan ng Bagyong Opong sa Pag-Landfall nito sa Biyernes. Setyembre 26, 2025 | Taguig Balita

Pinaghahanda ng Department of Interior and Local Government (DILG) ang Bicol Region, Southern Luzon, Visayas at Metro Manila dahil ang mga lugar na ito ang direktang hahagupitin ng Severe Tropical Storm Opong sa pag-landfall nito sa Bicol Region sa Biyernes, Setyembre 26, 2025.

Ngayon pa lamang ay itinaas na sa Alert Level Charlie o Red dahil makakaranas ng malakas hanggang sa matinding ulan na may kasamang 130 kilometro kada oras na hangin ang mga sumusunod na lugar:

Albay
Bataan
Batangas
Camarines Norte
Camarines Sur
Catanduanes
Cavite
Laguna
Marinduque
Masbate
Metro Manila
Northern Samar
Occidental Mindoro
Quezon
Rizal
Sorsogon


(Larawan ng DILG-Codix)

Nasa Alert Level Bravo naman o orange alert ang mga sumusunod na makakaranas din ng malakas na ulan at hanging nasa 85 kilometro kada oras:

Aurora
Bulacan
Eastern Samar
Nueva Ecija
Oriental Mindoro
Pampanga
Romblon
Samar
Tarlac
Zambales

Nasa alert level Alpha naman o yellow warning ang mga sumusunod na lugar na makakaranas ng katamtaman hanggang sa malakas na ulan at hanging nasa 45 kilometro kada oras:

Abra
Aklan
Antique
Benguet
Biliran
Bohol
Capiz
Cebu
Dinagat Islands
Guimaras
Ifugao
Ilocos Sur
Iloilo
Isabela
Kalinga
La Union
Leyte
Mountain Province
Negros Occidental
Negros Oriental
Nueva Vizcaya
Palawan
Pangasinan
Quirino
Southern Leyte
Surigao del Norte
Surigao del Sur

Sa ngayon, ang bagyong Opong ay nasa 670 kilometro silangan ng Surigao City, Surigao del Norte, batay sa PAGASA (alas 4:00 ng hapon, Setyembre 24, 2025).


(Larawan ng PAGASA)

Ang lakas ng hangin nito ay nasa 95 kilometro kada oras at may pagbugsong 115 kilometro kada oras. Gumagalaw ito patungong kanluran hilaga kanluran sa bilis na 20 kilometro kada oras.


Nakataas na ang Wind Signal Number 2 sa:

Northern Samar at hilagang bahagi ng Eastern Samar (San Policarpo, Oras, Jipapad, Arteche).

Signal Number 1 naman sa:
Catanduanes, Camarines Sur, Albay, Sorsogon, at Masbate. Gayundin sa Samar, natitirang bahagi ng Eastern Samar, Biliran, at hilagang bahagi ng Leyte (Barugo, San Miguel, Babatngon, Tacloban City, Calubian, Leyte, Capoocan, Carigara, Palo).

Maaaring mag-landfall sa Bicol Region ang bagyong Opong sa Biyernes ng umaga at tatawid sa Katimugang Luzon. Patuloy itong kikilos pa-kanluran hilagang kanluran sa West Philippine Sea at lalabas ng Philippine Area of Responsibility sa Sabado, Setyembre 27, 2025.