Ayon sa ulat, tinarget ni Marizel Cambri Yukee, isang residente nf Las Vegas, Nevada, ang mga matatandang may malubhang sakit na benepisyaryo ng Medicare health insurance.
Mahigit ₱51 bilyon sa ating pera ang diumano ay natangay ni Yukee at kanyang mga kasamahan sa panloloko sa Medicare.
(Larawan ng FBI-Houston)
Ayon sa mga abogado ng pamahalaan, nagsumite si Yukee at kanyang mga kasamahan ng mahigit sa $906 milyong dinayang reimbursement claims sa Medicare at Tricare sa pagitan noong Oktubre 2023 hanggang Abril 2026.
Nagbayad naman ang Medicare at Tricare ng mahigit sa $297 milyon base sa mga isinumiteng dinayang claims na ito.
Ayon sa mga abogado ng pamahalaan. ginamit ni Yukee ang milyon-milyong dolyar na pera para bumili ng $594,000 Ferrari 296 GTS at isang $158,000 Cadillac Escalade, isang $865,000 Bulgari na kwintas, million-dollar na bahay sa Hawaii at para pondohan ang konstruksyon ng isang $4.6 million na beach resort sa Sta. Ana, Cagayan.
Nagbayad umano si Yukee at ang kanyang mga kasabwat ng ilegal na
kickbacks at suhol upang i-refer sa kanilang mga klinika ang mga Medicare at TRICARE beneficiaries.
Si Yukee ay isang nurse practitioner na lisensyado ng State of Nevada.
Pag-aari ni Yukee ang Wound Medic, My BestHealth First, AllCare Mobile Wound Treatment at Oracle Wound Treatment.
