Siyam na Arrest Warrants para sa malawakang ilegal na recruitment at estafa ang isinilbi sa isang 33 taong gulang na babaeng negosyante na naaresto sa McKinley Hill, Barangay Pinagsama, Taguig City.

Ang mga tauhan ng Makati City Police Station Sub-Station 7 ang nagsilbi ng warrants sa suspek na si alyas Loraine kahapon ng 5:30, Hulyo 14, 2026, sa unit nito sa Tower II, The Florence Condominium, McKinley Hill.

News Image #1

(Larawan ng Southern Police District)

Ang suspek na taga-Bulacan, ay may 3 kaso ng Large-Scale Illegal Recruitment sa Batangas at Cavite, 5 kaso ng Estafa sa Bulacan at Cavite bukod pa sa 15 kaso ng Bouncing Checks sa ilalim ng Batas Pambansa Bilang 22 sa Makati at San Juan City.

Ang kaso nitong Illegal Recruitment ay walang inirekomendang piyansa.

Pinuri ni Southern Police District Director Police Brig. General Glenn Oliver Cinco sa matiyagang pagtugaygay ng Makati Police sa naturang suspek.

"Neutralizing high-profile individuals wanted for large-scale illegal recruitment and extensive financial fraud projects a strong message that the law will protect citizens from predatory schemes, ensuring fugitives are brought before the bars of justice regardless of where they attempt to hide," ang pahayag ni Cinco.