Ayon sa City Epidemiology and Disease Surveillance Unit (CEDSU), mula sa 35 kaso noong Setyembre 14-20, 2025, nasa 7 kaso na lamang ang mayroon ng sakit sa pinakahuling ulat noong Oktubre 11, 2025.
Ang mga nagkasakit ay mga batang edad 1 hanggang 5.
Wala namang nai-report na Barangay Fort Bonifacio at barangay Ususan.
Tig-iisang kaso naman ang naitala sa Barangay Pinagsama, Tuktukan, at Ibayo.
Noong Oktubre 13 at 14, 2025, nagpasuspinde ng face to face na klase sa mga pampublikong paaralan ang Department of Education - National Capital Region dahil sa tumataas na kaso ng sakit.
Patuloy naman ang pagmo-monitor ng (CEDSU) at ng mga health centers, at naka-aktibo ang Fever Fast Lanes sa mga health centers ng lungsod, Taguig-Pateros District Hospital (TPDH), at sa Taguig City General Hospital (TCGH) na naglalayong matugunan agad ang mga batang may sintomas tulad ng lagnat, ubo, o sipon.
Ipinaalala ng Pamahalaang Lungsod ng Taguig na kapag may lagnat, ubo o sipon ang mga bata; dalhin agad ang mga ito sa health center para mapakonsulta.
(Mga infographics ng Taguig PIO)
