LPA na Nasa Labas ng PAR (965 Kilometro sa Silangan Hilagang Silangan ng Extreme Northern Luzon), Posibleng Maging Bagyo sa Susunod na 24 na Oras | Taguig Balita

Tumaas ang posibilidad na maging ganap na bagyo ang isang low pressure area (LPA) na nasa labas ng Philippine Area of Responsibility o nasa layong 965 kilometro sa silangan hilagang silangan ng tuktok ng Northern Luzon.


(Larawan ng PAGASA)

Namataan ng PAGASA ang naturang namumuong sama ng panahon kaninang alas 2:00 ng hapon, Hulyo 31, 2025, at tinatayang magiging bagyo sa loob ng 24 na oras.

Samantala, ang habagat ay patuloy na nagpapaulan sa Luzon at Visayas partikular sa mga sumusunod na lugar: Ilocos Region, Batanes, Babuyan Islands, Apayao, Abra, Benguet, Zambales, Bataan, Nueva Ecija, Tarlac, at Pampanga.

Kalat-kalat na pag-ulan din ang mararanasan ng Metro Manila, nalalabing bahagi ng Luzon, at Visayas dahil sa Habagat.

Ang Mindanao naman ay magiging maulap hanggang sa magkakaroon ng kalat-kalat na pag-ulan.

Ibinabala ng PAGASA ang posibilidad ng pagguho ng lupa at pagbabaha sa mga apektado ng habagat.