Tech-Voc Graduates ng TESDA, Mas Mabibigyan ng Trabaho sa Pamamagitan ng Bossjob | Taguig Balita

Pick your language preference for this article: / Piliin ang inyong wika para sa artikulong ito:

Mas mabibigyan ng trabaho at dagdag na pagsasanay ang mga nagtapos sa technical vocational education and training (TVET) sa pamamagitan ng kasunduan ng Bossjob at Technical Education and Skills Development Authority-National Capital Region (TESDA-NCR).

Sa isang kasunduang nilagdaan ng TESDA-NCR at Bossjob, isang chat-first career platform na kumukuha ng mga magta-trabaho sa Southeast Asia, sa TESDA Complex Taguig City noong Marso, magkakaroon ng programa sa pagsasanay para sa mga graduates ng tech-voc. Bibigyan din sila ng mga pamamaraan para lalo pang mapahusay ang kanilang karera at makakuha ng trabaho.

"The partnership is part of TESDA-NCR's 'CollaboraTVET: Forging Partnerships for TVET Excellence' initiative that aims to expand ties with government bodies, academia, businesses, and industries to enhance TVET in Southeast Asia," ang pahayag ni TESDA-NCR Regional Director Engr. Jovencio Ferrer, Jr.

"The CollaboraTVET initiative, emanating from the program of TESDA Secretary Suharto "Teng" Mangudadatu, underscores our dedication to fostering strategic alliances, particularly with private industries. Our primary objective is to ensure that our TVET programs are finely attuned to meet the evolving demands of these industries," dagdag pa ni Ferrer.

Sa pamamagitan naman ng chat-based platform ng Bossjob, gumagamit ito ng artificial intelligence at bagong nga teknolohiya para mai-match ang mga tao sa kinakailangan ng mga ito, at mayroon ding direct chat features na nakakatulong para matanggap agad sa trabaho ang mga naghahanap nito. Malaking tulong din ito para sa mga kumpanyang naghahanap naman ng manggagawa.

"We are committed to working hand in hand with TESDA to ensure that our programs are finely tuned to the evolving needs of the workforce and the industries we serve. We are excited to set forth on this journey in ensuring that with every step we take alongside TESDA, we are guaranteeing success for every TESDA graduate and, by extension, bolstering the economic fabric of the Philippines," ang pahayag naman ng Bossjob Country Manager na si Kimberly Chen.

Sa kasalukuyan, ang TVET program ng TESDA ay nag-aalok ng 316 training regulations, 74 competency standards at 570 diploma programs na libre para sa lahat ng Pilipino.

Mahigit nang 1.2 milyon ang nakapagtapos ng technical vocational education at training courses base sa record ng TESDA noong 2023, at may mahigit namang 800, 000 certified skilled workers nang nagmula sa pagsasanay ng TESDA sa buong Pilipinas.

(Mga larawan ng TESDA)